الملتقى العربى الإسلامى
انت غير مسجل لدينا برجاء تسجيل الدخول او التسجيل كعضو جديد والمشاركه معنا



 
س .و .جالرئيسيةالبوابةمكتبة الصوربحـثالتسجيلالمجموعاتالتسجيلدخول

شاطر | 
 

 انطق يا قلب الحجر

اذهب الى الأسفل 
كاتب الموضوعرسالة
المشتاقة للجنة
عضو نشيط
عضو نشيط
avatar

انثى
عدد الرسائل : 146
الدولة : مصر
دعاء :
السٌّمعَة : 0
نقاط : 0
تاريخ التسجيل : 20/01/2008

مُساهمةموضوع: انطق يا قلب الحجر   الخميس 01 يناير 2009, 9:52 pm

آآآآآآآآآآآآآآآآآآآآآآآه
انطق يا قلب الحجر ***** سمع قلوب البشر
اطلع وقول كلمتك ***** وقول دا ظالم فجر
اوعى تقول أنا مالى ***** زى ما قال الغفر
انطق بعلو الصوت ***** غزه يا ناس فى خطر
ونادى عالتايهين ***** يمكن ما سمعوا الخبر
دا أنا فى قلبى أنين ***** وآه يا بحر البقر
ويا طفل يا مسكين ***** صهيونى قبرك حفر
والدم لون الطين ***** دمر فى زرع وشجر
وإحنا بقالنا سنين ***** عقولنا تايهه فى سفر
ما تحس يا إنسان ***** دا كلب جاع وانسعر
وناوى عالتدمير ***** عيونا دى للنظر
ادعى يا أمى الغاليه ***** على كل خاين غدر
يا محاكم الحريه ***** يلى علينا قدر
حكمك علينا سيف ***** ومعاهم أنتى فى سهر
ما تقولى كلمة خير ***** الظلم ليكى شكر
لو فى ضمير كان بكى ***** والدمع ينزل مطر
يشق أرض الخوف ***** والقلب كان انفطر
بس دا مات واندفن ***** وعليه يهودى عبر
يا أبو لسان سكين ***** ما تهز يلا الوتر
أوعى يكون مقطوع ***** ولا فقدت البصر
الدم دا دمى ***** من طفل زى القمر
لأم الشهيد ما تشوف ***** شوف ابنها بينعصر
ناديت بعلو الصوت ***** ارجعلنا يا عمر
ضمت وقالت آه ***** والمسك ريحه حضر
وفى لحظه هو وهى ***** ماعتشى ليهم أثر
وأبوه سبق من بدرى ***** وكل شىء انكسر
دى مجزره بتكرر ***** القلب ليها انقهر
وأنت يا محترم ***** طالع تقول العبر
حذرنا إحنا كتير ***** والذنب عاللى صبر
والمعبر اللى قافلته ***** سلطان زمانى أمر
الرد فين يا عميل ***** هاتقولى فى المؤتمر
خايف تقاطع ليه ***** ما كشفت اللى انستر
ما تقولشى دى سيادتنا ***** افتح وشوف الصور
إحنا فى مركب واحده ***** والدور علينا قدر
يا سوريا يا سعوديه ***** يا مصر يا أم الحضر
عمان كمان والأردن ***** ويا ليبيا ويا قطر
بحرين مع الإمارات ***** والمغرب اللى سحر
يا كويت مع لبنان ***** تونس يا أرض الخضر
يا جزاير أنتى فين ***** سودان يا أحلى سمر
ما تقوموا يلا أوام ***** نصد ضرب الغجر
نمسك فى أيد بعضينا ***** ونقول لكل البشر
غزه فى قلب الكل ***** وقبرونا راح تنحفر
إحنا عرب إسلام ***** بركان غضب وانفجر
الجبن مات وانتهى ***** مهما يكون الضرر
راجعين يا عالم تانى ***** نرد على اللى فجر
ممكن يا أرض العرب ***** نوقف اللى جبر
ممكن تقولوا آه ***** ونطرد اللى نخر
ممكن نسيب الذل ***** العز ياما انتظر
المجد لينا جاى ***** إسلامنا ياما انتصر
ما تقولوا يلا آه ***** وانطق يا قلب الحجر


الرجوع الى أعلى الصفحة اذهب الى الأسفل
http://forumar.yoo7.com/portal.htm
 
انطق يا قلب الحجر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى العربى الإسلامى :: ملتقى النسائم :: شعر و شعراء - الشعر و الشعراء ملتقى للقصيد و القصائد النبطي و الفصيح البوح-
انتقل الى: